ബുധനാഴ്ച ആരംഭിച്ച കോൺക്ലേവിൽ കത്തോലിക്കാസഭയുടെ മേലദ്ധ്യക്ഷനും റോമിന്റെ ഇരുനൂറ്റിയറുപത്തിയേഴാമത്‌ മെത്രാനുമായി കർദിനാൾ റോബെർത്തോ ഫ്രാൻസിസ് പ്രെവൊസ്‌ത്‌ തിരഞ്ഞെടുക്കപ്പെട്ടു.

പന്ത്രണ്ട് വർഷക്കാലം കത്തോലിക്കാസഭയെ നയിച്ച ഫ്രാൻസിസ് പാപ്പാ, ഏപ്രിൽ 21 തിങ്കളാഴ്ചയാണ് ശ്വാസകോശസംബന്ധമായയ രോഗങ്ങളെത്തുടർന്ന് നിര്യാതനായത്. അന്നു മുതൽ ശൂന്യമായിക്കിടന്ന പത്രോസിന്റെ സിംഹാസനത്തിൽ, ക്രിസ്തുവിന്റെ വികാരിയായി സഭയെ നയിക്കുവാൻ തിരഞ്ഞെടുക്കപ്പെട്ട പുതിയ വലിയ ഇടയനുവേണ്ടി പ്രാർത്ഥനയിലാണ് ലോക ക്രൈസ്തവർ.

ഷിക്കാഗോയിൽ ജനിച്ചു വളർന്ന കർദ്ദിനാൾ റോബെർട്ട് പ്രേവോ സഭാചരിത്രത്തിലെ ആദ്യ അമേരിക്കൻ മാർപ്പാപ്പ എന്ന സവിശേഷതയുമായാണ് സ്ഥാനാരോഹണം നടത്തുക.