തീവ്രവാദികൾക്കും അവരുടെ രാജ്യത്തെ പ്രതിരോധിക്കുന്നവർക്കും ഇടയിൽ ഒരു ധാർമ്മിക തുല്യതയും ഇല്ലെന്ന് അദ്ദേഹം പറഞ്ഞു.

"ഭീകരതയുടെ ഇരകളോട് അനുഭാവം പുലർത്തുന്നതിനു പകരം, ഇന്ത്യൻ ആക്രമണങ്ങൾക്ക് ശേഷം പാകിസ്താനിൽ ഉണ്ടായ ജീവ നാശത്തിൽ ഹൃദയംഗമമായ അനുശോചനം പ്രകടിപ്പിച്ച കൊളംബിയൻ സർക്കാരിന്റെ പ്രതികരണത്തിൽ ഞങ്ങൾ അൽപ്പം നിരാശരാണെന്ന് പറയും," ഇന്ത്യൻ നിലപാട് വ്യക്തമാക്കി തരൂർ പറഞ്ഞു."കൊളംബിയയിലെ സുഹൃത്തുക്കളോട് ഞങ്ങൾ പറയും, ഭീകരരെ അയയ്ക്കുന്നവരും അവരെ ചെറുക്കുന്നവരും തമ്മിൽ ഒരു തുല്യതയും ഉണ്ടാകില്ല. ആക്രമിക്കുന്നവരും പ്രതിരോധിക്കുന്നവരും തമ്മിൽ ഒരു തുല്യതയും ഉണ്ടാകില്ല. ഞങ്ങൾ സ്വയം പ്രതിരോധത്തിനുള്ള അവകാശം മാത്രമാണ് ഉപയോഗിക്കുന്നത്, ഇതിൽ എന്തെങ്കിലും തെറ്റിദ്ധാരണ ഉണ്ടെങ്കിൽ, അത്തരം തെറ്റിദ്ധാരണകൾ ഇല്ലാതാക്കാൻ ഞങ്ങൾ ഇവിടെയുണ്ട്. സാഹചര്യങ്ങളെക്കുറിച്ച് കൊളംബിയയുമായി വിശദമായി സംസാരിക്കുന്നതിൽ ഞങ്ങൾക്ക് വളരെ സന്തോഷമുണ്ട്," അദ്ദേഹം കൂട്ടിച്ചേർത്തു.

പാകിസ്ഥാൻ ആസ്ഥാനമായുള്ള ലഷ്‌കർ-ഇ-തൊയ്ബ (L-e-T) യുടെ ശാഖയായ ദി റെസിസ്റ്റൻസ് ഫ്രണ്ട് ജമ്മു കശ്മീരിലെ പഹൽഗാമിൽ സാധാരണക്കാർക്കെതിരെ നടത്തിയ ക്രൂരമായ ഭീകരാക്രമണത്തെ തുടർന്നുള്ള ഇന്ത്യയുടെ മറുപടി നിയമാനുസൃതമായ സ്വയം പ്രതിരോധ നടപടിയാണെന്ന് തരൂർ ഊന്നിപ്പറഞ്ഞു. "സാഹചര്യങ്ങളെക്കുറിച്ച് കൊളംബിയയുമായി വിശദമായി സംസാരിക്കുന്നതിൽ ഞങ്ങൾക്ക് വളരെ സന്തോഷമുണ്ട്. കൊളംബിയ നിരവധി ഭീകരാക്രമണങ്ങൾ നേരിട്ടതുപോലെ, ഞങ്ങൾ ഇന്ത്യാക്കാരും അനുഭവിക്കുന്നുണ്ട്. ഏകദേശം നാല് പതിറ്റാണ്ടുകളായി ഞങ്ങൾ വളരെയധികം ആക്രമണങ്ങൾ സഹിക്കുന്നു," തരൂർ പറഞ്ഞു.ഇവിടെ ഞങ്ങൾ ഒരു ധാരണ തേടുകയാണ്...