സ്ഥലകാലമില്ലാത്ത ചരിത്രം കെട്ടുകഥയാണ്. അതിൽ വിശ്വസിക്കുന്ന ജനങ്ങളുടെ വിഭ്രാന്തികൾ ഇന്നത്തെ അവബോധത്തെയും നാളത്തെ കാഴ്ചപ്പാടുകളെയും പൂർണമായും വഴി തെറ്റിക്കുമെന്നു ചരിത്രകാരനായ പികെ ബാലകൃഷ്ണൻ. പരശുരാമൻ ശരിയെങ്കിൽ കേരളത്തിനു ചരിത്രമില്ലെന്നു കാണാം.പിന്നെ മഹാബലി.  അതു വിട്ടാൽ കമ്മ്യുണിസ്റ്റു പാർട്ടിയും ആര്യ വൈദ്യ ശാലയും.  തൊട്ടടുത്ത് അറബി സഹോദരന്റെ ഇടിയും തൊഴിയും മുറ്റുന്ന മണൽപരപ്പും. പാരമ്പര്യം മിത്തായും മിത്ത് എസ്കേപ്പിസവുമായി മാറിയെന്ന്  ഒ വി വിജയൻ. മൂന്നും കൂട്ടി മുറുക്കിയപ്പോൾ കേരളം ചുവന്നു എന്നാണ് വൈലോപ്പിള്ളി എഴുതിയത്.അതിന്റെ ക്ഷീണം ഇതുവരെ മാറിയില്ലെന്നു കരുതുന്നവരും ഏറെ .വൈചാരിക തലങ്ങളിൽ കത്തിപ്പടർന്ന് ഏടുകളിൽ തെളിഞ്ഞ ആകാശ കുസുമമായിരുന്നോ ഈ സ്വത്വം ?